مجموعه متنوعه من قصائد الحكم والعبره والموعظه الحسنه
سوف اقدمها لكم اليوم فى موضوعى هذا
فالحكمه موجه لتدخل القلب بكلام جميل جدا ان شاء الله تعجبكم
قصيده رائعه , قصائد حكم معبره
معوض خير ياحي تهقوى في الزمان ومال
سنينك لو رقيت بعدلها يطرحك مايلها
تعلم واعرف ان الدرب قدامك سهل وجبال
جبال تطولها وجبال بعيونك تخايلها
ومعوض خير ياحي وردت الماء بدون حبال
يطول بك الوقوف وشربه الماء ماتحصلها
وقوفك عند راس البير مايسقيك لو فنجال
ولاينفعك شوف الجمه اللي منت طايلها
ومعوض خير ياحي خدعك من الرجال اشكال
تشوف اشكالها وتحطها ارفع من منازلها
تعلم من زمانك لاتصير من اجهل الجهال
ترى في كل يوم تجيك عبره لاتجاهلها
اذا ربي وهب لك عقل تلقى في الرجال رجال
تعرف اللي يطلع قيمتك واللي ينزلها
ترى من بعض مايندي الجبين ويحرج الرجال
لياساق الميانه في نفوس ماتقبلها
ومهما شفت في صاحبك من نخوه وطيبه فال
ترى بعض السجايا كثره الالحاح يقتلها
- معبره
- قصائد معبره
- قصائد معبرة
- قصائد معبره جدا
- الاخبار
- قصائد وصور معبرة
- قصيده رائعه
- صور قصايد
- شعر عن الذيب
- صور قصيدة
