متزوجه وتعانى من الفتور في علاقتك بزوجك وتريدى ان تشعلى
نار الحب والعشق مره اخري بداخل قلب زوجك وتجعليه يحبك ويعشقك
ويجعل حياتك كلها حب ورومانسيه ودافئه
ابي اجنن زوجي
كيف تجعلين زوجك يعشقك
اولا: قبل عيد زواجي بيوم رحت حجزت غرفه نوم في فندق
5 نجوم مع لوازمه الكيك وغيره (طبعا ما خبرت زوجي)
ثانيا: الحلو انه عيد زواجي كان يوم الخميس، لبست بيجامه
عاديه و حطيب مكياج (لانه مافي وقت) وقلتله انا رايحه عرس
صديقتي طبعا استغرب ليش انا لابسه جذيه فقلتله انا اصلا
بلبس في غرفه الفندق اللي فيه عروس لانها صديقتي الروح بالروح
وانا وبعض صديقاتها متفقين نلبس عندها علشان نتصور على راحتنا
ثالثا: جهزت شنطه فيها فستان راقي لحفله ، عطور، قميص نوم
ولوازم الحمام (الله يعزكم) وشموع وهديه عباره عن (سعر موبايل)
ورسايل حب وغرام جمعتها بمندوس صغير انيق ومسجل
وشريط موسيقى هاديه .
رابعا: سالني طبعا وين رايحه بالشنطه ؟ قلتله خبرتك اني بلبس
في غرفه العروس مساكين الرياييل دوووووووم ما يقدرون
على كيدنا احنا الحريم.
خامسا: تعمدت او قصدت انسى الغطى الي ع وجهي في سيارته؟؟؟
بعدين بتعرفون ليش!!!
سادسا: المعجزه انه موظف الاستقبال قاللي بعطيكي جناج
بنص سعره لانه كان عندهم عرض ما صدقت وافقت فورا وفعلا
من دخلت الجناح تمنيت ما اطلع منه ابدا راقي لابعد الحدود وفيه بلكونه
اتطل على كل المدينه وبعيده عن باقي الغرف والاجنحه كان خيالمهم
لبست الفستان الحلو واتعطرت وشعري سويت له تسريحه لف،
وحطيت الشموع والاضاءه الخافته والموسيقى الهاديه الحلوه
سابعا: اتصلت على زوجي وقلتله الحقني نسيت الغطى في السياره
بسرعه تعاللي الفندق قاللي الحين انا عند الكافتيريا شاري سندويشات
يوعان باكل وبيييييييج قلتله ما فيه مجال بسرعه تعال لاني الحين
بنزل مع العروس وماعندي شيله
ثامنا: جاء الزوج وقاللي انزلي خذي الشيله قلتله ما اقدر انزل
في الاستقبال كله ريياييل تعال انته لجناح العروس فوق وعطني
الشيله طبعا عصب علي لانه ما يحب يدخل هالاماكن وينحرج
من الحريم وايد ويعتبر نفسه مشبوه
عاشرا: حان لحظه اللقاء بعد ما داخ يدور الجناح والا الباب
اندق علي فتحته طبعا وانا لابسه الشيله لاني لمحت معاه
موظف الاستقبال دالنه على الجناح المهم كان مسكين زوجي
واقف بعيد خايف حرمه غريبه تطلع وينحرج ومنزل راسه تحت ولاقادر
يطالع في الباب فلما قلتله تعال عصب علي وقاللي كيف تريديني ادخل عند حرم
قلتله تعال محد الكل نزل غيري دخل واهو متردد وقفلت الباب
ولما شافني طبعا احم احم حلوه ابتسم نص ابتسامه
وبعدين قلتله (كل عام وانته بالف خير وسلامه ) تفاجا وعرف الموضوع
وضحك وقاللي انتي دايما جذيه تفاجاني بحركاتك وكنت حاس انج مدبره
شي (طبعا هوه ولا حاس ولا شي انا دايما تاريخي معاه حاف بها
الحركات ولا مره اكتشفني ) المهم قاللي ليش ما قلتيلي الحين
ما عندي ثياب ولا جهزت نفسي لهاي الليله قلتله مب لازم انته اتجهز
كل شي جاهز (كنت طبعا انا مجهزتله ملابس وفوط وغيرها في الشنطه )
و المهم طلبنا العشا وجلسنا في البلكونه طبعا الجو روعه كان شتا
واتكلمنا من اول يوم خطبني فيه ولحد ما صار عندنا ثلاثه اطفال الله
يخليهم لي وبعدها نمنا في ساعه متاخره وكانت ليله حلوه
صراحه ولما صحينا طلبنا فطور وبعدها عطيته الهديه للي كان نفسه فيها
- زوجي الخميس احم احم
- كيف اجنن زوجي
- كيف ادخل قلب زوجي
