صح النوم يا نائم وهي كلام بتقوله للمسحراتي بيقولوا لنا كل يوم قبل الفجر بنصف
ساعه بيقول لنا صح النوم يا نائم وبيطبل به الطبله بتاعته بتبقى جميله جدا
صحّ النوم
تعوّدنا على حمل الجمايل والزعل واللوم
ولا رفض عتب غالي ..ولا نزعل من جداله
تمنينا نحوز أغلى مكانه في وجيه القوم
ونعيش الخوه بوقت يضدّ رجاله رجاله
تعلمنا من الدنيا .. وزدنا للعلوم علوم
وسقنا للدروب قلوب .. رجليّه وخيّاله
وقفنا للزمن وقفة شجاعه .. والقروم قروم
إلين إن صار واحدنا بديل أقواله..أفعاله
إلى منّه خذا ياخذ .. مثل ما ياخذ المحروم
وإلى منه عطى يعطي .. ولو من لقمة عياله
ولابتنا ولو باتت رحايلنا بدون أعزوم
نساوم للفخر بأرضه ولو بأي من أشكاله
ولاعفنا ولو شفنا على باب النهار سموم
ولاخفنا ولو طفنا .. بمخراجه ومدخاله
وإذا شفنا عناقيد العنب بأقصى الشجر ملموم
نهز غصون عنقوده ، وإذا ماطاح نرقاله
نصبر بعضنا بالكذب الأبيض والهدف معدوم
ونقول أنا وصلنا لو إنا ما وصلناله
وأنا واحد من أصغرهم طموح وللطّموح رسوم
على وجهي مثل قولة (بغى شي ولا ناله)
عطيت ولا رضيت آخذ من سلوم البخيل سلوم
ولا عمري رضيت أقعد على قلب العرب عاله
ولا أرضى بالفخر فزعة جواسيس وكلام رخوم
ولا عمري حنّيت الوجد، بعد المجد، لحثاله
غناي الله .. وأنا رجل عزيز مقدر محشوم
قنوع بالقدر وإن قلت: فال الله ولا فاله
بسيط يرمي حموله على متن الجبال هموم
بوقت للأسف عيّت تطيق همومه جباله
بوقت نزّل خشوم ورفع من رداه خشوم
وخلّى قيمة الرجال بين الناس برياله
صحيت وقلت للنايم (بعد ما قام) صح النوم
زمانك ما عطاك إلا صورة وحطام تمثاله
سنين أطالع البارق وأقول إن المطر محتوم
وهو ما مدّ لي كفه، وأنا ما طلت هماله
أرد أكذب على نفسي وأقول إن النخل مفطوم
وهو ما بالنّخل عذق عطش ما ذاق شلاله
وأنا ما بي من البارق هماليل ومطر وغيوم
ولو ذقت العطش بعيون طرقيّه ورحّاله
تعلّمت الصبر من كنت طفل بالمهد مزموم
ألين إن صرت رجل لا أنتخوبه: طوّح عقاله
وأنا مَحْلِف بعد عمر طويل بدفنة المرحوم
بقول: الله، ولاغير الله الرحمن نلجا له
ومثل ما بالمطر خوّه إلى من هلّ: كوم .. كوم
أنا قلبي بعد يقدر يدّك البيد بلحاله
وإذا اسمي واصل الدنيا قبل لا ألقى الحياة بيوم
أبتركها وأنا اسمي يضرب التاريخ بأمثاله
وإذا ربعي (وهم ربعي) تناسوا حقي المهضوم
بعيض أشره على قلبي قبل لا أرثي على حاله
وإذا كفّي طعن كفّي براس الخنجر المسموم
بعرف أن النصيب أقرب من الرجال لضلاله
صح النوم يا نايم
